Yu hi kal jab..
Hawa kuch Tez hui..
To Yaad ho aaya..
Jaise kal hi ki baat ho..
Hawa tez hote hi..
Nanhe haathon me polythene pakde..
Gali k chor pe lage jamun k ped k paas..
Hum bachchon ka jama ho jana..
Vo sabse jyada pane ki hod..
Phir kuch khel..
Kuch ladaiyan..
Aur thi phir se jamun girne ki aas
k hum bachcho k liye asambhav tha chadhna us par ...
Vo mummy ka chillana
Beta dho lena phir khana..
Tis par hamara ghar aakar
jamuni ho chali jeebh par itarana....
Vo jamun ka swad..
Aur aur ek pal ko aankhen polythene khojne lagin..
Phir yaad aaya ...
Vo jamun,vo Aam,vo Lichi k ped..
To kabke kat chuke hain..
Apni kachchi gali..
Daamrikrit lane ho chali hai bhai..
Chhat par khadi main..
Najaren gadaye us or..
Jaise intjar kar rahi hun..
Jamun phir se ji uthega..
Aur dhero jamun mere aanchal me de dega..
Yakin jano..
Gili najaren bachakr kamre tak aanakathin ho gaya tha..
Main sochti rah gayi..
Udaas mann ko samjhaya k..
Shayad yahi hai Vikas ki keemat jo hume chukani hai...
0 Comment(s)
Vo jamun ka ped..