Koi deewana kahta hai
koi paagal samajhta hai
magar dharti ki bechaini ko
bas baadal samajhta hai...

main tujhse door kaisa hun
tu mujhse door kaisi hai...
ye tera dil samajhta hai
ya mera dil samajhta hai...

mohabbat ek ahsaason ki
paawan si kahaani hai...
kabhi kabira deewana tha
kabhi meera deewani hai..
yahan sab log kahte hain
teri aankhon me aansun hain..
jo tu samjhe to moti hai
jo na samjhe to paani hai...

bahut toota bahut bikhara
thapede sah nahi paaya..
hawaanyon k ishaaron par
magar main bah nahi paaya...
adhoora ansuna hi rah gaya
yun pyaar ka kissa...
kabhi tum sun nahi paayi
kabhi mai kah nahi paaya...

Dr.Kumar vishwasji ki ye panktiyan...kal se jahan me goonj rahi hain,saath deti hain uneendi aankhon ka,jaagte sapno ka,anmani bhookh ka...uski yaadon ka..